Священномученики Бердянские Виктор, Александр и Михаил
память всех новомучеников и исповедников Российских
- в воскресение после 25 января
 

  Ликуй ныне, граде Бердянск,
  новомученицы бо твои досточуднии
  Михаил, Виктор и Александр,
  вземше крест Христов,
  последовали суть Ему
  и прияли славу небесную.
  Сего ради тем дерзновенно возопием:
  молите Царя Славы избавитися нам
  от находящих на ны зол
  и спастися душам нашим.

  От властей беззаконных
  гонения и муки смиренно претерпев,
  венцы нетленные от Царя Славы стяжали есте.
  Святии священномученицы бердянстии,
  молите о молебная к вам приносящих
  и любовию песньми вас ублажающих.

      О святии новомученицы Христовы,
  града Бердянска похвало и утверждение,
  всеблаженнии Михаиле, Викторе и Александре,
  теплыя наша заступницы и благия помощницы,
  воззрите милостивно на ны грешныя,
  чтущия пресветлую память вашу.
  Испросите у Христа Бога мир Церкви Его,
  Отечеству нашему благословение,
  людям православным благочестие
  и в вере утверждение.
  Оградите нас молитвами вашими
  от всякаго злаго обстояния, от глада,
  губительства, нашествия иноплеменников,
  междуусобныя брани и от напрасныя смерти.
  Да сподобимся ходатайством вашим
  получити оставление грехов и,
  благочестно на земли поживше,
  достигнути Царствия небеснаго,
  идеже вы непрестанно славите Всесвятую Троицу
  Отца и Сына и Святаго Духа
  ныне и присно и во веки веков. Аминь.

 


Вернуться назад